मुंबई २० मार्च :- देशात लॉकडाऊन झाल्यापासून मुलांच्या शाळेच्या शिक्षणासाठी ऑनलाईन शिक्षण प्रणाली राबण्यात आली आहे. यात प्रत्येक मुलाच्या हाती दिवसरात्र मोबाईल फोन असल्याने याचा दुष्परिणाम मोठ्या प्रमाणावर वाढला आहे. पाकांच्या गैरहजेरीत मोबाईलचा गैरवापर करून पॉर्न व्हिडीओ बघण्याची सवय एका १२ वर्षीय विद्यार्थ्याला वाममार्गाला घेऊन गेली आहे. एका मुलाने आपल्या लांबच्या बहीणीवर गैरवर्तन गेल्याचा प्रकार उघड झाला आहे.
सध्या देशात लहान मुलांमध्ये पॉर्न व्हिडिओ पाहण्याचे प्रमाण वाढले आहे. नॅशनल सोसायटी फॉर प्रिव्हेन्शन ऑफ क्रुएल्टी टू चिल्ड्रेन (National Society for Prevention of Cruelty to Children) या संस्थेनं केलेल्या सर्वेक्षणातून धक्कादायक आकडेवारी समोर आली आहे. देशातील तब्बल 71 टक्के अल्पवयीन मुलं मोबाइल किंवा लॅपटॉपवर पॉर्न व्हिडीओ बघत असल्याचं स्पष्ट झाल आहे. पालकांसाठी हा मोठा चिंतेचा विषय बनत आहे. १४ वर्षांपेक्षाही कमी वयोगटातील तब्बल ९४ टक्के मुलांनी पॉर्न व्हिडीओ पाहिले आहेत.
दरम्यान, एका कार्टून चॅनेलनं केलेल्या सर्वेक्षणात भारतातील 96 टक्के घरांमध्ये मोबाइलचा प्रचंड वापर होतो. यामध्ये 73 टक्के घरांमध्ये मुलंच दररोज मोबाइलचा वापर करत असतात, असं निरीक्षण नोंदवण्यात आलं आहे. हा वाढता गैप्रकार वेळीच रोखण्यासाठी पालकांनी सतर्क राहणे जरूरीचे आहे. आपल्या पाल्याचे चुकीच्या मार्गावर पाऊल पडू नये यासाठीच्या खबरदारी घ्यायला हवी.
