दाक्षिणात्या सिनेसृष्टीतील प्रसिद्ध अभिनेत्री रश्मिका मंदाना (Rashmika Mandanna) सध्या चांगलीच चर्चेत आहे. आपल्या अल्लड स्वाभावाने प्रेक्षकांच्या मनात तिने आपली जागा तयार केली आहे. रश्मिका ही सोशल मिडीयावर मोठ्याप्रमाणात सक्रीय असते. नुकताच शेअर केलेला एक व्हिडीओचे नेटकऱ्यांनी चांगलेच कौतुक केले आहे. यामध्ये एका शेतात नांगरणी करताना रश्मिका दिसत आहे. अगदी साधा पेहराव करून तिने हा व्हिडीओ काढला आहे.
View this post on Instagram
या व्हिडीओच्या कॉमेंटमध्ये तिने आपला अनुभवही शेअर केला आहे. “गीत ऐका आणि व्हिडीओ पाहा. यापेक्षाही उत्तम काहीही असू शकत नाही. या सीनच्या शुटिंगनंतर मीसुद्धा असाच विचार करत होते. मला हे पात्र साकारण्यात किती मजा आली असेल, हे आपण या व्हिडीओमध्ये पाहू शकता.” अशा आशयाची नजकूर कॉमेंट लिहीला आहे. नांगर चालवताना रश्मिका मनापासून काम करताना दिसत आहे. अगदी काही वेळातच या व्हिडीओवर हजारो कॉमेंटचा वर्षाव झाला आहे. आपल्या अनोख्या अभिनयाची छबी दाक्षिणात्य सिनेसृष्टीत उमटवून आता रश्मिका लवकरच बॉलिवूडमध्येही पदार्पण करण्याच्या तयारीत आहे.
