Home लाईफस्टाईल आता विना इंटरनेटही पाठवता येतील पैसे, RBI ने लाँच केली ‘ही’ नवी...

आता विना इंटरनेटही पाठवता येतील पैसे, RBI ने लाँच केली ‘ही’ नवी सुविधा

283
0

सध्या डिजिटल पेमेंटचे प्रमाण मोठ्या प्रमाणात वाढले आहे. यासाठी गुगल पे, फोन पे, पेटीएम सारख्या अ‍ॅप्सचा वापर केला जातो. हे अ‍ॅप्स वापरण्यासाठी इंटरनेट आणि स्मार्टफोन असणे गरजेचे आहे. परंतु, तुमच्याकडे स्मार्टफोन आणि इंटरनेट नसतानाही आता पेमेंट करणे शक्य आहे. भारतीय रिझर्व्ह बँकेने घोषणा केली आहे की, सामान्य फीचर फोन यूजर्स देखील यूपीआयचा वापर करून पेमेंट करू शकतील. फीचर फोन यूजर्ससाठी आरबीआयने यूपीआय आधारित पेमेंट्स प्रोडक्ट्स आणले आहे. आरबीआयने UPI आधारित 123Pay ही सुविधा फीचर फोन यूजर्ससाठी लाँच केली आहे. UPI123Pay सुविधेच्या माध्यमातून फीचर फोन यूजर्स स्मार्टफोन यूजर्सप्रमाणेच डिजिटल पेमेंट करू शकतील.

या सुविधेच्या माध्यमातून यूजर्सला छोटी रक्कम सहज पाठवता येईल. आरबीआयने डिजिटल पेमेंट्ससाठी २४x७ हेल्पलाईन डिजीसाथीला देखील लाँच केले आहे. या हेल्पलाइनद्वारे यूजर्सला शिक्षित व जागरुक केले जाईल. स्मार्टफोनच्या तुलनेत फीचर फोनमध्ये कमी फीचर्स मिळतात. फीचर फोनचा प्रामुख्याने वापर कॉल आणि टेक्स्ट मेसेजसाठी केला जातो. परंतु, आता फीचर फोन यूजर्स विना इंटरनेट डिजिटल पेमेंट करू शकतील. आरबीआयचे गव्हर्नर शक्तिकांत दास म्हणाले की, फीचर फोन यूजर्ससाठी डिजिटल पेमेंट सुविधा उपलब्ध करणे खूपच महत्त्वाचे आहे. फीचर फोन यूजर्स एसएमएसच्या माध्यमातून पेमेंट करू शकतील व यासाठी इंटरनेट कनेक्शनची देखील गरज नाही.

Launch event and inaugural address by RBI Governor-UPI for feature phones & 24*7 helpline https://t.co/lziWBh0BzR

— ReserveBankOfIndia (@RBI) March 8, 2022

भारतामध्ये जवळपास ११८ कोटी यूजर्सचा एका मोठा मोबाइल फोन कंझ्यूमर बेस आहे. यातील बहुतांश यूजर्स आजही फीचर फोनचा वापर करतात. रिपोर्टनुसार, जुलै २०२१ पर्यंत जवळपास ७४ कोटी यूजर्सकडे स्मार्टफोन होता. दरम्यान, काही दिवसांपूर्वीच *99# सेवा सर्व मोबाइल यूजर्ससाठी सुरू करण्यात आली आहे. ही सुविधा स्मार्टफोन आणि फीचर फोनच्या सर्व मॉडेल्सला सपोर्ट करते. तसेच, UPI द्वारे पेमेंट करण्यासाठी फोन नंबर बँक खात्याशी लिंक असणे गरजेचे आहे. या सुविधेचा सर्वात मोठा फायदा म्हणजे तुम्ही इंटरनेट कनेक्शन नसतानाही फीचर फोनवरून देखील ऑनलाइन पेमेंट करू शकता.

Previous articleमुंबई महापालिकेची मुदत आज संपणार, या पुढचा कार्यभार प्रशासक पाहणार. प्रशासकाची नेमकी भूमिका काय ? वाचा सविस्तर
Next articleमध्यप्रदेशात घडला रियल सीक्रेट गेम, गायतोंडे भाऊला कुक्कूने फसवलं! संपूर्ण प्रकरण वाचा

LEAVE A REPLY

Please enter your comment!
Please enter your name here